{ SKIP }
文:MenClub 魏文青  
POSTED ON 17 Dec 2021

火星上面有水其實就唔已經唔咩新聞,不過一直以黎,科學家喺火星表面搵到嘅「水份」絕大部份都係出現火星兩極,以冰嘅形態出現,對於將來人類於火星建立宜居地似乎就冇咩幫助。不過,歐洲太空總署 (ESA) 及俄羅斯太空總署 (Roscosmos) 近日就發佈咗一份新報告,指位於火星低緯度嘅「水手號大峽谷 (Valles Marineris)」,中一片如荷蘭面積咁大,而且易於開採嘅「水庫」。

據ESA嘅公告,今次研究嘅數據係來自2016年時嘅「Trace Gas Orbiter (火星微量氣體任務衛星,TGS)」,該衛星配備嘅高解析度超熱中子探測器 (FREND) 可以探察到火星地表大概一米深嘅氫含量,而由於水入面有氫,有氫就 (有可能) 有水。結果經過3年分析後,佢哋就發現水手號大峽谷中,有一片大約係荷蘭咁大嘅地方,含有「不尋常地高」嘅氫含量。然後又再因應「潮濕地表會釋放較少中子」嘅特性,確認該區含有大量水份。研究團隊指該片面積中可能有40%地表物質都係水。

研究團隊估計,該區有可能與地球上嘅凍土類似,由於氣溫長期處於冰點之下,水份全部變哂冰藏於地表之中;又或者水份依附於礦物質中存在。問題係水手號大峽谷處於靠近火星赤道位置,,無論水份以邊種形式存在,正常黎講都一早蒸發咗,亦即係代表水手號大峽谷中有某種未知嘅原理留住水份,亦係將來嘅探索重點。

資料來源:ESA

Google過去之所能夠掌握整個網絡世界,在於透過Google搜尋以及Chrome瀏覽器掌握大量用戶數據,繼而將其轉化成廣告資源。不過隨住ChatGPT等AI出現,大家由「有事問Google」變「有事問AI」之後,Google搜尋嘅地位就備 ...
tech
【科技】挑戰Google龍頭位置 傳OpenAI將於數週內推AI瀏覽器
10 Jul 2025
著名遊戲創作人、近年被Fans戲稱「全職追星」嘅小島秀夫近日因宣傳新遊戲《Death Stranding 2》而接受訪問,並提到佢多年來一直創作嘅動力來源。對此小島秀夫表示:「我希望同Tom Cruise一樣,創作到死前一刻。」 ...
tech
【電玩】小島秀夫談創作動力 「我希望像Tom Cruise一樣創作到死前一刻」
07 Jul 2025