俄羅斯因入侵烏克蘭，而被Google、Adobe、Meta、Microsoft等國際企業相繼制裁，當地民眾娛樂及工作大受影響。然而，被封多年嘅俄國最大盜版網站RuTracker日前就突然解封，疑似係俄方反擊手段。

近期俄羅斯受到各大軟件商、遊戲商、荷里活片商及社交媒體巨頭制裁，紛紛宣布唔再向俄羅斯地區提供服務，令當地俄羅斯網絡陷入困境。不過，俄羅斯日前就解封咗當地最大盜版網站「RuTracker.org」，令網民能夠從該網下載各種盜版軟件、電影及遊戲。RuTracker曾經喺2016年被俄羅斯通信監管機構Roskomnadzor以打擊盜版為由永久封禁。