隨住日元持續疲弱，日本Apple及其他企業都相繼調高產品售價，其中iPhone 13更加價約19%。不過，遊戲界「御三家」之一嘅任天堂就率先表態唔會加價...

據《Bloomberg》報導，隨住日元貶值，導致任天堂、Sony以及Microsoft旗下遊戲機售價比起其他地區平唔少，以PS5光碟版主機為例，日本官方售價為49,980日元(含稅)，換算港幣大約為HK$3,000，而香港官方售價則為HK$3,980元，差唔多係打咗個75折（前提當然係你買得到）。有見及此，最近記者就詢問三間遊戲機廠商，會否短期內調整日本區售價，其中任天堂就率先表態唔會加價，而Sony同Microsoft就不予置評。

值得一提嘅係，日元持續貶值亦令黃牛炒賣活動更為猖獗，黃牛黨能夠以更平嘅價格於日本買入遊戲機，再高價轉售，牟取更大利潤。