俗稱「Pockemon卡」嘅「Pokémon Trading Card Game（TCG）」瘋魔全球，如果你都想加入呢個大家庭嘅話，依家用手機就可以做到啦。因為Pokemon官方日前推出 Pokemon TCG嘅官方手機App「Pokémon Trading Card Game Pocket」，等大家用手機都可以開始儲卡，會唔會重燃大家做Pokemon大師嘅夢想呢？

今日於iOS及Android正式推出嘅「Pokémon Trading Card Game Pocket」，簡單黎講就即係畀大家用手機版開卡儲卡。遊戲內有個叫「開包力」嘅設定，每日會自動充滿兩次，每次充滿玩家都可以開一包卡。玩家亦可以用透過完成遊戲內任務另外獲得新卡，又或換取能夠加快「開包力」回復速度嘅道具，當然亦可以課金即時充爆「開卡力」直接開卡。而目前開放嘅「最強的基因」卡牌系列，就收錄了眾多在《寶可夢 紅／綠》中登場的寶可夢，可以話係滿滿嘅童年回憶。

遊戲嘅另一特別之處，就係會有特別視角效果嘅「閃卡」，例如我哋試玩時就開到超夢夢特別卡，向左右掃時仲會見到有些少立體效果。從宣傳片亦見到另一種「情景卡」，玩家能夠進入卡片繪圖內嘅場景。另外收集到卡片除咗用黎睇之外，亦可以用黎戰鬥，未來亦會開放與其他玩家交換卡牌。