{ SKIP }
文:MenClub 魏文青  
POSTED ON 13 Dec 2024

遊戲界年度盛事「The Game Awards」於香港時間今早順利舉行,共頒發29個獎項。其中由Sony推出嘅PS5獨佔作《ASTRO BOT》奪得包括年度遊戲在內嘅四個獎項,成為今屆大贏家。《Balatro(小丑牌)》則奪得最佳獨立遊戲等三個獎項,與《Metaphor: ReFantazio》並列第二。

 

TGA評審團由全球超過100個媒體與KOL組成,評審團評分佔總分90%,淨返10%係由觀眾投票決定。賽前獲得7項提名嘅《ASTRO BOT》不負眾望,斬下年度遊戲、最佳遊戲指導、最佳動作/冒險遊戲以及最佳家庭遊戲四個大獎,成為今年大贏家。而Studio Zero開發、Atlus及SEGA發行嘅《Metaphor: ReFantazio》就奪得最佳敘事、最佳美術指導、最佳RPG等三獎。沉迷性極高、仲要有手機版嘅獨立遊戲《Balatro》就於自己界別大殺四方,一口氣奪得最佳獨立遊戲、最佳獨立遊戲出道作,以及最佳手機遊戲。

 

有人歡喜當然亦有人愁。事實上今年大部份「大熱遊戲」於TGA上嘅成績都唔太好。與《ASTRO BOT》同樣獲得7項提名嘅《Final Fantasy VII Rebirth》,最終只係獲得最佳音效及音樂一獎;有五項提名嘅《黑神話:悟空》,最終奪得最佳動作遊戲及由網民票選嘅「玩家之聲」獎,已經算係非常非常唔錯。最慘嘅大概係《Elden Ring: Shadow of the Erdtree》,早前公佈提名時就因為以DLC身份角逐年度遊戲而被網民批評,最後五項提名全數落敗,捧蛋收場。

近年歐洲多個國家以及美國多個州份都以保護未成年接觸成人內容之由,推出更嚴謹嘅年齡驗證法案,亦導致著名成人網站Pornhub先後退出多個市場。而近日著名嘅電腦遊戲模組(Mods)網站Nexus Mods亦宣佈會更新服務條款 ...
tech
【科技】Nexus Mods更新服務協議 未來將要滿18歲才可瀏覽NSFW內容
04 Jul 2025
曾幾何時「被騙裸聊」乃係相當「流行」嘅網絡騙案手法之一,而且入世未深、容易受奸人誘惑誤導嘅年輕人更係主要受害者之一,有見及此,早前Apple就公佈會於iOS 26中推出「FaceTime自動防裸聊功能」以保障年輕使用者 ...
tech
【科技】iOS 26推自動防裸聊功能 一脫衣即凍結通話
03 Jul 2025