{ SKIP }
文:MenClub 魏文青  
POSTED ON 09 Feb 2025

大家上個星期應該有睇到新聞,指歐洲太空總署(ESA)正在觀察一粒名為「2024 YR4」嘅小行星,指佢有機會於2032年12月22日撞上地球。而近日ESA就再次公佈新研究數據,並將2024 YR4撞上地球嘅機率調高近一倍——但大家唔使擔心,據ESA嘅公告,機率提高其實係同佢哋嘅計算方法有關,所以大家不需驚慌,可以繼續返工!

據上月尾時ESA發出嘅公告,佢哋當時估計2024 YR4嘅直徑為40至100米,並有1.2%嘅機率直接撞落地球。ESA亦指出相似大小嘅隕石大約每幾千年就會撞落黎一次,並會對墜下地區造成嚴重破壞,所以2024 YR4就立即跳升成風險清單上嘅榜首,並會持續觀察其動向以及收集更多數據,以得出更準確嘅軌道預測及撞擊機率。

而事隔約一個星期,ESA於上週末又發表新報告,將2024 YR4嘅大小修正為40至90米,比起之前嘅估計略小;可能嘅撞擊日期維持於2032年12月22日不變,不過撞擊機率就提高到2.2%。雖然仍然係一個非常低嘅機率,但短短一個星期機率就跳升一倍,係咪代表事情好嚴重?

2024 YR4與地球最近距離嘅計算。Y軸單位係月球距離(約38.4萬公里)。灰線係地球位置,藍點係2024 YR4嘅位置。

圖片:ESA

或者係ESA都估到大家對於撞擊機率嘅高低好敏感,所以佢哋於最新公告中亦略為解釋咗「撞擊機率」嘅計算方法。簡單而言,目前人類只能計算小行星大致嘅前進路徑範圍,亦即所謂嘅「風險走廊」(Risk Corridor),而非確實嘅一條「線」,而當地球出現於「風險走廊」之內,就叫做有撞擊機率。隨住小行星前進,其「風險走廊」會不斷收窄,但同時亦代表地球「佔據」嘅範圍越黎越多,撞擊機率就會上升。直到「風險走廊」收窄到將地球排除在外,機率先會變零。

而根據ESA公佈嘅目前計算,2024 YR4真係會同地球擦身而過,兩者最近時不足一個「月球距離」,即約38.4萬公里。換言之未來一段時間內,大家應該會見到個機率不停上升。

資料來源:ESA

4月時曾經有網絡消息指出Sony正在為Playstation 6開發兩款集成晶片,同時揭示Playstation 6可能會有個手提機版本。而近日著名YouTuber「Moore's Law Is Dead」(MLID)就發佈新影片,指自己獲得PS 6嘅相關文件,並從 ...
tech
【電玩】PS6規格傳聞出爐 手提版有Dock駁電視、加推平價「S版」?
02 Sep 2025
隨住越黎越多人習慣使用AI,AI就成為各大科技龍頭企業嘅重點競爭場地;而除咗完善自家AI之外,當然會有人嘗試用場外方法爭勝。好似Elon Musk旗下嘅X Corp及xAI,近日就控告Apple及OpenAI壟斷AI市場。 Elon Musk ...
tech
【科技】Elon Musk控告Apple及OpenAI壟斷 指Apple降低自家Grok及X App排名
28 Aug 2025