作為一個成年男性，相信大家對於OnlyFans都唔會感到陌生，甚至本身就有課金支持購買創作者嘅內容。但根據一個西班牙最新研究，OnlyFans唔單止吸引到成年人，仲吸引到大量青少年關注，而且佢哋唔係睇下咁簡單，而係因為羨慕付上面嘅創作者可以「輕輕鬆鬆」搵大錢，而將經營OnlyFans視為傳統工作或教育嘅代替品！

卻說西班牙馬德里Alcalá大學嘅一群研究者，因為想知道OnlyFans等性化媒體、以及其背後嘅「情色自我呈現」思想進入主流環境後，會對青少年嘅成長產生咩影響，於是搵黎164名年齡屆乎12至16歲嘅西班牙中學生進行小組討論。

於討論中，研究團體首先發現青少年們對OnlyFans非常熟悉，唔單止從用家嘅角度知道平台點運作，甚至知道從創作者嘅角度要點宣傳、拍啲咩內容最搵錢，當然亦了解符合特家審美標準，而且肯裸露嘅女性係搵得最多。

另一方面，青少年亦指出於TikTok、IG等社交媒體上經常可以見到OnlyFans創作者嘅帖文或廣告，部份青少年甚至收到鼓勵佢哋自己創作內容嘅私人訊息。而男生亦有可能於Telegram或Discord等平台接觸到來自OnlyFans嘅盜版內容，而佢哋亦坦承自己知道繞過年齡驗證以觀看OnlyFans上內容嘅方法。

年收4,300萬美金嘅OnlyFans網紅Sophie Rain

圖片：sophieraiin on IG

如果話「睇OnlyFans」已經足夠令人擔心，咁更令人擔心嘅就係唔少青少年甚至係想「做OnlyFans」。研究指出「做OnlyFans可以搵快錢、搵大錢」嘅思想深入青少年嘅心，青少年們多次指出經營OnlyFans比起傳統工作或教育「更容易、更吸引人」，認為「情色自我呈現」係一個聰明，甚至令人仰慕嘅策略。

研究團體表示，佢哋對於青少年對OnlyFans有如此深厚嘅認識感到震驚，同時亦指出青少年可能只睇到OnlyFans搵快錢嘅優點，而忽視長對長期後果嘅足夠及批判性。佢哋認為學校需要推行針對現時「性化電子文代」嘅教育；家長亦應該與小朋友進行開放、非批評性嘅溝通；政府亦需要推出相應法則，以阻止向未成年人宣傳性化內容。

資料來源：Making Money on OnlyFans? A Study on the Promotion of Erotic Content Platforms on Social Media and their Influence on Adolescents