根據非正式統計，手機爆芒嘅原因主要都係跌手機落地所致，而當中最常見就係唔小心click到充電線，然後連機帶線跌落地，但如果轉用有「磁能線」嘅ZNAPS，就唔怕跌爛手機。

早喺iPhone 5時已經有人建議apple改用電磁充電線，不過等極都未見apple肯改，所以就有人去kickstarter集資推出ZNAPS，自己磁充電線。由於ZNAPS只係用磁力連住，所以遇到用力扯時就會鬆開，唔怕會抵住部手機。安裝ZNAPS嘅方法好簡單，只要將磁力轉換器插入手機，然後叉電線嗰邊就插入另一個轉換器，之後你嘅手機就可以用到電磁充電線，抽插都更加輕鬆。除此之外，ZNAPS亦有一定防水功能，為你嘅手機提供額外保護。

其實ZNAPS本來目標只係集資12萬加元，點知家陣已經集得72萬加元，超額6倍，似乎大家都認為呢件產品好重要。ZNAPS除咗支援apple嘅lightning頭之外，其實仲有microsUSB版令Android機都啱用，售價只係$9加元，預計今年11月出貨。

ZNAPS@kickstarters