美國一位工程師最近就自製一把雷神之槌，把槌外表整得好靚仔，但最特別係內有乾坤。原來把槌入面裝有超強磁鐵之餘，只要通電就可以產生超強磁力，而且佢仲將指紋辨識裝喺手柄，等槌仔只要感應到佢嘅指紋就可以解除磁力，令佢可以輕鬆拎得起槌仔。呢個貪玩嘅工程師整完把槌之後，就拎出街畀人試，仲專登放喺金屬嘅地面同坑渠蓋，然後就叫路人拎起把槌，結果好多大隻佬出晒奶力都係失敗收場。直到條片最後都有人破解到，至於點破就留返畀大家睇啦。