以前上YouTube搵戲睇真係隨手都有，但依家你想搵套星爺嘅高清片睇都難過登天，所以實在要讚下YouTube喺版權監控方面確係做得出色。其實除咗版權監控之外，YouTube處理色情同血腥影片都把關得特別嚴格，不過估唔到會有漏洞，令YouTube變為成人片庫。

原來基於私隱保護基制，只要用戶將影片設定為私人影片，YouTube就唔可以利用Content ID嚟查你嘅影片內容，就好似你放錢入瑞士銀行咁。就算你放正常電影定係成人電影都，都係冇人搞到你。另外，你upload片上YouTube係不設上限，變相即係將YouTube當成無限量嘅片庫，而設定為私人嘅影片會以googlevideo.com為域名分享。

呢個問題令唔少外國成人片商頭痛，事關暫時佢哋只可以利用申訴機制，向YouTube要求移除侵權影片，但呢個方法就比較花人力物力，所以片商已經積極向YouTube反映，特別係幫カリビアンコム、1本道同Heyzo等片商製作嘅Dreamroom Productions就不停檢舉侵權帳號，希望YouTube可以解決呢個問題。講咁耐，link呢？其實搞咁大輪先睇到，不如去返睇開嘅網站就算啦。