醫生指「陰道生牙」有可能《小心有牙》或會成真

圖：互聯網
POSTED ON 30 Aug 2017

N年前一套《小心有牙》（The Teeth）成為唔少男士嘅夢魘，話就話係黑色幽默嘅恐怖電影，但對男士而言就一啲都唔幽默，得恐怖成份，話晒係一套講「陰道有牙」嘅電影，又邊會笑得出呢？不過，大部分人睇完之後都係嚇一嚇然後笑唔出，好彩冇留低咩心理陰影，因為知道︰挑！電影嚟啫！邊會係真丫！Um……冇錯，但係如果有醫生同你講，有牙嘅陰道唔係冇機會存在……呢？

有醫生指出，醫學上有種叫「成熟型畸胎瘤」，當腫瘤癌症發作時，細胞就會不正常增生，而喺過往嘅醫學報告入面，有喺畸胎瘤中發現毛髮、牙齒、硬骨，甚至係眼、手、腳、等等身體各個部位，例如有個美國男孩嘅腳上同印度女人嘅眼入面，都有曾經生過牙齒嘅紀錄。另外呢種「成熟型畸胎瘤」會有20%喺卵巢腫瘤中出現。

雖然醫學上未可以解釋點解腫瘤會增生出複雜嘅人體部位，但可以講嘅係，喺陰道生出牙齒並唔係完全冇可能。