外國網站elitedaily就同大家分析，究竟復合前應該要考慮咩因素，以下嘅Point，你又有冇諗過先？

1.悲劇重演
無論因為咩問題而分手都好，只要個「問題」未解決，就算畀多次機會大家復合，都會好似身邊有個計時炸彈咁，隨時都有可能悲劇重演。

2.永遠搵唔到miss right
以機會理論而言，你決定同Ex復合，即係錯過同Miss right相戀嘅機會，係咪值得為一時眷戀，放棄其他可能性呢？

3.再次受傷
如果單單因為寂寞而復合，雙方冇反省分手原因，咁填滿寂寞之後，得返嘅又係一連串嘅傷害。

4.心存芥蒂
如果當初分手係因為對方做咗好過分嘅事，咁就算一齊返，表面上冇嘢，心入面都一定有條刺，唔可以單純面對呢段關係。

5.回不到從前
就算過去幾咁美好，一切都已成過去，到你地復合返，種種現實充斥眼前，就會知道，破裂過嘅關係，冇可能返到去十全十美嘅時候。