{ SKIP }
文:MenClub 魏文青  
POSTED ON 22 Jul 2018
「性」係現代愛情關係中不可或缺嘅部份,佢唔單止能夠大家雙方對於「性」、「親近」嘅慾望、表達對對方的愛,最重要嘅價值或者係為大家帶來身體上嘅歡愉——不過有陣時就唔一定係「大家」都有歡愉咁解。多年來有多個研究都顯示,超過半數受訪女性會扮有高潮,而基於男生雙方生體構造嘅不同以及「能力」上嘅差異,大概每位女性於人生中嘅某個時刻都曾經「嗯嗯嗯嗯~好搞掂」了事。但你知男人天生就以「滿足女性」為己任,如果知道女伴於床上嘅反應只係演技,都真係幾傷自尊心。所以以下就同大家介紹下關於女性「扮高潮」嘅二三事。
男人對於「假高潮」最主要嘅問題,就係「點解?」,而最怕嘅答案就係「你唔掂」。Well,事實上當然可能係同你當晚嘅表現有關,但女性會交咁大台戲其實都有佢哋嘅苦衷。其中最常見嘅就係希望取悅男伴,透過激情嘅反應黎增加性趣,有啲人亦真係會怕傷害男性嘅自尊而交戲,呢啲嚴格上都算係善意嘅大話。男性亦需要知道,女性要得到性滿足唔一定要經過「高潮」呢個步驟,所以有時女性已經夠喉,但你又繼續「深耕細作」,佢就會扮個高潮黎提提你「老娘想瞓覺啦」。另一個男性經常忽視嘅原因,就係女性對於自己嘅質疑,「係咪我有問題所以先冇高潮呢?」,咁佢又唔想認自己有問題,於是就扮啦。
咁點先知道女伴係扮高潮?咁就首先要知道女性真正體驗高潮時嘅生理反應。當中包括心跳加速、血壓上升,身體變紅,性器官充血等等。不過講真,男士喺衝鋒陷陣期間又有幾多注意力去留意女伴嘅血壓呀?所以可以留意更明顯嘅特徵如肌肉收縮——唔係淨係陰道,而係包括腳指手指彎曲、背部弓起、下顎收縮等。心理學家兼兩性關係作者Antonia Hall亦提醒男士可以留意女伴有冇刻意要求「加快完事」,畢竟如果佢係舒服嘅,冇理由會要求快啲搞掂架嘛!
好啦,咁如果真係發現女伴扮高潮,作為男人又應該如何處理?外國網站Askmen就引述性治療師Courtney Geter,提議男性首先要避免當下拆穿對方,一來會破壞整個氣氛,二來好難落台。所以大家先繼續享受當下,另擇氣氛良好嘅良辰吉日先再同伴侶討論。最重要嘅係要表達出你想知道對方嘅感受,而非為咗證明自己或者自尊心作崇,唔係你即係逼人講「你唔掂呀好未?」。大家可以談論下於床上嘅喜好,檢討下有咩最能夠刺激對方,過往嘅性愛又有冇咩技巧能夠引為己用,由愛出發了解對方身體所需。
不過又唔係所有喺床上嘅演技都係壞事。有性玩具廠商指出女性「某程度上誇大反應」,係對男方嘅一種無言指導,男性會因為佢嘅身體反應而知道自己有咩做得好,有咩唔使做。而且呢種「演技」亦會令女性身體更易進入狀態,反而增加快感。只要唔係為咗敷衍了事,少少演技其實都係情趣黎嘅。
見到標題上面寫住「三上悠亞」前隊友,相信大家都會直覺地以為今晚要介紹呢位「宮瀬なこ」係佢當年於SKE48嘅隊友咁就證明大部人其實都唔記得三上悠亞其實曾經組過一隊日本藉韓國女子偶像團體「HONEY POPCORN」!而「 ...
girls
【深夜】三上悠亞的前隊友 變靚咗嘅「宮瀬なこ」
29 Jun 2022
近年Patreon、OnlyFans等網站興起,唔少女仔都會於網上出售性感照片甚至裸照以獲得酬勞,當中有唔少人更加賺到盤滿砵滿,不過亦有人選擇用呢個方法黎救助國家。烏克蘭一班女仔自從3月俄羅斯入侵後,就於網上「義賣」 ...
thezone
【烏克蘭】裸照救國 烏克蘭女生「義賣」裸照 三個月籌600萬
29 Jun 2022