Wrong Hole？唔係咁易架！

文：MenClub 魏文青　　
POSTED ON 04 Nov 2018

喺進入正題前，首先請大家聽返首十年前曾經風魔一時嘅經典金曲先！

冇錯！就係由DJ Lubel主唱嘅《Wrong Hole》！！呢首歌係話男主角同女友做愛時因為燈光太暗而「入錯洞」，以為激嬲咗女友，最後發現原來對方都鍾意呢味嘢，二人於是重拾舊好。細個聽嘅時候覺得一切都幾合理：暗嘛，兩個地方又咁接近，激烈對碰中偶有錯手似乎唔係啲咩不可思議嘅事，甚至到你大個嘅時候你都會驚(或者期待)自己能夠親身同對方黎個內窺鏡檢查，從此另辟溪徑，話唔定女伴唔知之餘仲會鍾意埋一份添——但好對唔住，現實中要做到Wrong Hole，唔係咁易架！

首先你必須要知道，人嘅肛門(及其內嘅直腸)係一個排泄器官，其「設計理念」係一條有出冇入嘅單程路。肛門屬肛管直腸環嘅一部份，而後者則由一大堆肌肉所組成，包括正常狀態下會緊縮嘅括約肌，所以你先唔會行到邊屙到邊。只要你有試過忍肚痛你就知道人體括約肌係有幾咁強大！換言之正常情況下若果你意圖「闖關」，你係需要用上大量潤滑劑，引導對方慢慢放鬆，然逐少逐少地進入對方身體，過程中仲可能要多次停低畀對方再放鬆。簡單啲黎講，就係有大量準備功夫要做，若然你想提槍上馬就直搗黃龍，下場只會得一個，就係機毀人亡！

然後你又會問：「唔係喎，我見AV啲人好輕易就入到關架啦喎！」嗱咁就係AV又一次誤導咗你啦！大家喺AV見到嘅畫面其實已經係準備過後嘅情況，對方嘅身體已經適應入異物進入肛門，有時甚至會用上「鬆弛劑」令對方嘅括約肌放鬆，令拍攝得以進行。而且事後括約肌就會慢慢回復正常，下次你又想闖關就要再做一次準備功夫。就算有啲人能夠收放自如，佢都一定係經過長期訓練，而如果你另一半進行過呢種長期訓練而你唔知，我諗你有更加值擔心嘅嘢。簡單啲黎講就即係肛交呢家嘢係冇意外架！唔好自己呃自己啦！

而更重要嘅係，肛交對你對伴侶也好，都絕對唔應該係一種突如其來嘅驚喜。首先，請容許我再一次提醒你肛門係一個排泄器官，換言之佢入面理應係有排泄物存在，所以拍攝有肛交場面嘅AV前女優們都要先清一清腸胃，如果對方毫無準備，就算你突然闖關成功，迎接你嘅亦只有真真正正嘅Sh_t！《Wrong Hole》入面就有一句「I look at the condom and it's all brown」啦！另外只要你細個有塞過藥或者用過甘油條，你就會知道有嘢進入肛門係幾咁唔舒服！所以假如你冇得到對方同意就走後門，對方必然會受到身心靈嘅傷害，亦即係到時你唔係插緊佢，係襲擊緊佢，影響關係事少，分分鐘惹上官非事大！

不論係因為受到AV影響，定係本身就有冒險精神，我相信唔少都好想至少試一試走後門的滋味。但正如兩性關係中嘅大小事，最重要嘅都係良好溝通，而且即使得到對方嘅(清楚)同意，喺過程中你亦可以預料要經歷好多阻滯先有可能做到「肛肛好」。另外因為女性冇前列線，換言之肛交對佢哋黎講係冇任何性刺激，所以進行時應該同時刺激其陰蒂。咁究竟值唔值得做？咁就睇你自己啦。