{ SKIP }
文:MenClub 魏文青  
POSTED ON 08 Dec 2018
香港話大唔大,話細其實亦真係唔細,尤其當你咁唔好彩識著個住喺香港另一個邊端嘅女朋友,送完佢再返屋企嗰陣你就會有切身嘅感受,所以好多情侶都希望可以至少租個地方,有空間過下二人世界。不過喺地球嘅另一邊,就開始有情侶就算有能力住埋一齊都堅持分開居住,唔係因為唔愛對方,而係因為需要私人空間。
據外國媒體《Men's Health》報導,全美國大概有6-7%人屬於呢類「分居者」,當中超過六成人士都係34歲或以上。而正為此潮流拍攝紀錄片的導演Sharon Hyman就指佢曾經訪問過的分居者中,大多都曾經經歷過結婚、同居、生小朋友,然後先決定唔再繼續呢種生活方式。換言之佢哋唔係簡單地「唔愛對方」,而係於「獨立追尋自己的生活」與「從伴侶得到(情感及肉體上的)依賴」中尋找一個與眾不同的平衡。
咁當然又唔係鼓勵你千祈唔好同愛人同居,只係大家必須承認自己係需要有私人空間同時間,好讓你記得自己是「自己」,而不是「某人的誰誰誰」。實際上即使唔分居,只要好好計劃即使住埋一齊其實都可以享有私人時間。例如可以於屋企與伴侶劃出屬於各自嘅「Me空間」,等自己可以不被打擾地做一陣自己。假如空間真係有限,例如放狗、落街遊車河、去露台食支煙等都可以製造屬於自己嘅時間。
更進一步就可以同伴侶商討一啲你可以自己一個,或者同朋友親人(唔包括你伴侶)一齊做嘅事,為自己製造空間。例如你好鍾意睇超級英雄片,但你另一半鍾意睇韓劇,咁就無謂逼對方就範,不如約朋友或者自己去睇。有學者認為適當嘅「分開」更能維持雙方關係,當你一日24小時一年356日都見住對方,你好難永遠維持對佢嘅熱情,但所謂小別勝新婚,一排唔見你係愛佢嘅就會掛住,見到面就自然更加熱情。
講咗咁耐,想帶出嘅其實好簡單,就係人係雖要個人空間,而作為伴侶嘅你我她亦應該要學識尊重,如果老鼠膠咁搣都搣唔甩,仲可能用自己威脅對方放棄空間時間,留得住個人都一定推遠咗個心。同時大家亦必須要好好地同對方溝通,給予對方信心,表明你唔係唔愛佢,只係有啲想自己去做,亦唔係做啲咩唔見得光嘅事,做完就會返黎陪佢,相信有理性嘅對方都一定會同意。《風雲》有云,「凡事太盡,緣份勢必早盡」,大家都過得舒服先至可以細水長留嘛!
有興趣嘅朋友嚟到日本時不妨去望望呢個型爆嘅「魔法陣叉電器」!
gags
齊做大魔法師!日本新出「魔法陣叉電器」
14 Dec 2018
無懼世事變改~還是越南越愛!
girls
超可愛越南歌手 Liz Diamond
13 Dec 2018