武漢肺炎擴散自全球，球星球員名人政要相繼確診，歐美多國亦開始呼籲市民冇咩必要就唔好出街。咁一個麻甩佬留喺屋企你話有咩好做？成人界就喺呢個時候企出黎回饋社會啦！

Pornhub亦推出咗四張以防疫為主題嘅宣傳海報

線上成人短片平台「Pornhub」早前宣佈，將會於整個三月份為歐洲痠情最嚴重，隔離措施擴大至全國嘅意大利地區人士提供免費Premium會員訂閱，在家隔離都可以享用無廣告高清影片，仲可以睇VR（順帶一提，Pornhub仲多咗唔少以疫情為主題嘅片，相當緊貼時事）。而且Pornhub旗下影片販賣網「Modelhub」亦會捐出部份收益支持意大利醫療機構，一系列「防疫措施」反應快過唔少政府！

圖片 via game.udn.com

而喺地球嘅另一邊，日本AV大廠SOD亦宣佈發起「自宅待機を応援！0円でご利用キャンペーン開始」活動，就算唔識日文你都知佢係支援大家留在家中，所以唔使錢提供AV下載，仲要有成200部咁多，由即日起至31日至少上 SOD官網(連結) 登入會員就可以免費觀看，SOD指是次活動係想大眾「能保持正常生活，讓大家多一點笑容」而設。

但要留意嘅係由於是次活動太受歡迎，所以撰文之時成個SOD官網都Hang咗，搞到我想搵幾部好作部推薦畀大家都唔得。睇黎大家要自己去研究下啦！