{ SKIP }
文:MenClub 魏文青  
POSTED ON 24 Nov 2021

「男人不壞、女人不愛」呢句嘢,深深咁烙印於一眾自問係乖仔但又想變Bad Boy同時又唔敢嘅男生心中,每次當佢哋見到心儀嘅女性同其他男人一齊,就會高呼呢句嘢出黎以慰自己心頭之恨——不過!各位乖仔!跟據一個最新研究,「壞男生」嘅年代已經過去,接下來就係穩重乖仔主宰感情市場嘅朝代!而原因,就係因為疫情啦!

美國配對網站「Match.com」每年都會與印地安納州大學嘅研究員一齊進行「美國單身人士研究」,簡單黎講就係問下美國單身成年人過往一年嘅約會、性愛習慣之類。而最新一期嘅研究就發現,美國嘅成年人無論身心靈都有所「長大」。例如於擇偶條件方面,往年有90%受訪者表示想搵個「外表出眾」嘅另一半,而該數字自有紀錄以來都未跌過,但今年就一嘢跌到落78%,反觀其他與內在相關嘅條件就一致上升,如「可以信任及信賴」、「可以溝通要求及需求」、「思想開明」、「能引我笑」、「情緒穩定」、「擁有自己的生活」等擇偶條件,通通都有超過80%人認為重要,可見美國單身成年人更為著重成熟穩重嘅內在。

而且呢種「長大」更導致更成熟嘅感情態度,例如只有11%受訪者希望有「休閒式關係」,反觀62%人就希望有一段有思義而投入嘅關係;表示想搵一個可以結婚嘅另一半嘅比例,亦由兩年前嘅58%升到76%,其中又以年輕人升幅最高。

另外會向異性Send裸照嘅比例亦下降到34%、就算自問唔係「單配偶制」支持者嘅人,亦有三份二表示會與對象約會三次以上先考慮性愛 (即傳說中嘅「Three Dates Rule」)。簡而言之就係大家對感情、性愛都更謹慎小心。

疫情對於美國單身人士嘅影響絕對不止於此。研究同時發現,「視象約會」於年輕人當中其實頗為普遍,一方面當然係因為疫情下嘅社交距離規例以及年輕人對於新科技比較拿手,但同時亦因為佢哋希望透過視象會議見下對方、聽下對方講嘢,知道大家個「Vibe」夾唔夾先進人真人約會——當然,視象約會亦代表雙方唔會有任何身體接觸,當然亦冇愛可以做。

另一邊廂,美國人亦非常著重約會對象有冇打疫苗同戴口罩,例如58%人表示如果對方冇打疫苗,就唔會同佢上床 (年輕人嘅數字係33%);53%唔會與未打疫苗嘅人進行第二次約會;更有三份一女性表示唔會與一個「抗拒戴口罩者」約會。

資料來源:Singlesinamerica.com

對大部份男士而言,睇AV係一個非常合理而常見嘅行為,哪怕係有拖拍甚至結咗婚都會保持呢個嗜好或習慣。而過去有唔少研究都指出睇AV會減少關係中嘅親密度,但另一邊廂又有研究指出睇AV可以增強伴侶於性方面嘅連結又或 ...
thezone
【兩性】睇AV對關係有損定有益? 新研究指視乎動機
15 Jul 2025
唔少打工仔每逢放假就唔願意離開自己張床,希望瞓得幾耐得幾耐,儘量中和一下過去一週日日返工嘅辛酸。而今晚要介紹嘅呢位「あらた唯」雖然唔係打工仔,但佢同大家一樣都非常沉迷「床上生活」唔係咩成人話題呀,係真 ...
girls
【深夜】賽車女郎好鍾意床 「あらた唯」自揭重口味「床上生活」
14 Jul 2025