有人話，如果能夠將興趣變成搵食方法，你就擁有最幸福嘅工作；咁相信作為男人，大家其中一個興趣都係睇AV啦係咪？咁就啱啦！以下就為大家介紹一份超級荀工，唔需要任何資格，工作內容就係不停睇AV，而且月薪可達HK$25,000！

專門研究性及性玩具研究嘅美國網站「Bedbible」日前就出咗個招聘啟事，請一個「AV研究主管」，據Bedbible內容主管Edwina Caito指，是次研究「希望搵出網上最熱門嘅100條AV片中最常見嘅性愛姿勢，從而知道大眾對AV嘅偏好」。實際工作內容就係不停睇熱門嘅線上AV，然後紀錄當中嘅姿勢、性愛時間長短、高潮次數、男女比例、演員嘅頭髮顏色、語言等等，簡單黎講就即係一路睇AV一路Take Notes。人工方面就由時薪20美金 (約HK$156)到月薪3,205美金 (約HK$25,100)。收兩皮幾嘢喺屋企睇AV，仲唔係世界級筍工？

Bedbible嘅網站話，應徵者唔需要有任何資歷，只要年滿21歲就得，而且由於係100%遙距工作，所以不限地區。不過要成功應徵都唔係咁易，因為據報呢個招聘啟事一出，Bedbible於48小時內就收咗黎自全球嘅31,000份申請，要突圍而出都唔容易呀！

資料來源：Bedbible