早前我哋同大家報導過，日本有民間組織呼籲AV業界改善「十大弊病」，當中包括「禁止本番演出及一切黏膜接觸」等，近日相關輿論越演越烈，先有女優松岡すず於IG用中文發佈Story向網民求救、後有即將引退嘅戶田真琴於Twitter發表長文指出呢啲提出要改善業界嘅坊間、政界人士，對AV業界根本冇任何理解。最新嘅發展，就係有日本議員提出要立法禁止「有本番性行為嘅AV」。

松岡すず早前於IG用中文發文「求救」

據日本傳媒報導，日本眾議院內閣委員會今日審議早前由執政黨與在野黨提出嘅「AV出演被害防止．救濟法案」，該法案原意係因應4月日本將「成年」嘅法定年齡降為18歲後，18-20歲嘅青少年不再包括於「未成年人取消權」中，所以要求日後嘅AV拍攝合約必須列明拍攝內容、場所等，而且作品公開後一定時間內能夠無條件取消 (作品亦需要下架)。

但今日在野立憲民主黨嘅女議員「堤かなめ」就提出，要另外立法禁止「有性行為 (本番演出) 嘅AV」，並指出「電視上面嘅殺人場面都唔係真係殺人啦」，假若真正立法禁止「有性行為嘅AV」，亦即所有日本AV都不能「打真軍」。而法案提出者、同屬立憲民主黨嘅森山浩行議員就指出，「禁止有性行為的AV與是次法案並無衝突，可以於目前法案成立後再作檢討。」

AV新法およびAV新法に反対する緊急アクションを行う人達に対して今現在私が感じていることです。

20歳未満に限らずすべての演者が無条件で契約を破棄できるという決まりを作ることは重要と感じ、そこに同意するのを前提として、その他の事項については以下のことを思っています。 pic.twitter.com/RkMJ0d94Kc

— 戸田真琴(staff） (@toda_makoto) May 16, 2022

最後議會一致通過「AV出演被害防止．救濟法案」，法案指出不論演出者性別，都能夠於作品公開後一年內無條件解除契約，某啲特例下取消時限可以延長至兩年，而片方亦不能向要求解約嘅演出者要求任何賠償。另外製作方亦必須於拍攝前，向演出者明文列出所有性行為內容。新法案將於6月起開始執行。

至於「有金錢交易伴隨嘅性行為 (即係賣春、拍本番AV等)」，就會於立法後兩年內檢討。

資料來源：Kanaloco、朝日新聞