唔覺唔覺又已經黎到農曆7日，老人家教落呢個月就唔好出夜街，如果唔係就有可能遇到啲咩怪事嚇親。不過日本有網友就日光日白就已經被怪事嚇親，因為路邊有個睇落勁嚇人嘅護士！

夜に遭遇したくないかかし pic.twitter.com/ykz0HI8euC

— 米処新潟 稲作専業農家 おむすびまん (@magokoro358) August 1, 2022

卻說人在日本新潟嘅稻米專家「米処新潟 稲作専業農家 おむすびまん @magokoro358」，日前於Twitter上載咗一系當地農民用黎防鳥嘅稻草人相片。由於當地每年都會舉行「稻草人創意大賽」，所以農民們都會各出奇招製作搶眼又具創意嘅稻草人，從圖中可見有相撲手、推住手推車嘅阿婆、滑雪選手等等，

而芸芸眾多參賽作品中，就有一個係以護士打扮登場，而且唔係用稻草紮成，而係用時裝鋪啲模特兒公仔、幫佢著哂成套粉紅色護士衫，戴埋假髮口罩再插上碌竹到固定。日光日白睇都已經令人有幾分寒意，你話夜晚晚揸車經過見到，真係心仔都離一離。

其他稻草人

昨日も暑かった新潟
かかし会場ではご近所のお婆ちゃんも
熱中症にならないように気をつけてね
と思ったらかかしだった pic.twitter.com/1sXmK46NRI

— 米処新潟 稲作専業農家 おむすびまん (@magokoro358) August 2, 2022

於「@magokoro358」就拍低咗呢個護士稻草人放上Twitter，並留言話夜晚真係唔想遇到佢。結果發文於日本網絡爆紅，唔少人話日頭其實都唔想見到呢個稻草人，又有人懷疑個稻草人係咪參考咗椎名林樆於《本能》個MV中嘅造型，甚至連當地電視台亦有報導護士稻草人，成為一時熱話。