{ SKIP }
文:MenClub 魏文青  
POSTED ON 25 Aug 2022

相信唔少人都曾經有用交友APP嘅經驗,甚至唔少人都曾經期望於交友APP上搵到真愛,但實際用落就會發現,要喺交友APP上搵到與自己匹配嘅對象,其實係一件非常困難嘅事,更多時候一係就配對唔到,一係就配對嘅人唔啱心水,點解會咁呢?日本《週刊SPA》早前就搵黎兩性專家分析交友APP上嘅男女生態,原來一切都係一個局黎!

圖片:《週刊SPA》

《週刊SPA》早前就「日本20代男性有4成人從未約會過」而製作咗個專題報導,其中一部份就搵黎日本戀愛顧問「鈴木リュウ」分析交友APP上嘅生態。而鈴木リュウ就用一張圖黎解釋。

首先,圖中左右分別為S級至D級嘅男女 (以交友APP上嘅獲讚數區分)。其中S級男及S級女由於自身條件已經夠好,根本就唔需要用交友APP,所以A級男女就已經係交友APP上最高質嘅一群,而考慮到交友APP上男性遠多於女性,所以A級女生好快就可以搵到心儀對象,然後退出交友APP;淨返嘅A、B、C級男性,就會於交友APP上與B、C級女性配對。

問題就出在呢個「A、B、C男配B、C女」嘅情況。由於B、C級女性於交友APP上會見到A級男嘅檔案,所以佢哋就會以搵到一個A級男為目標,問題係A級男雖然有大量讚好,但對方通常都係佢認為「比唔上自己嘅人」,所以最後無法配對;另一邊廂,B、C級女又因為A級男嘅存在,而對於「配得上自己嘅男生」產生誤判,於是睇唔上同級嘅B、C級男,令B、C級男於交友APP上讚好、配對數奇低,成為使用滿足度最低嘅一群人。結果造成「A級男睇唔上B、C級女;B、C級女又睇唔上B、C級男」嘅困境。而B、C級男就會因為希望得到更多配對而課金,成為營運商嘅主要收入來源。

有趣嘅係,由於D級男與D級女同樣都不太受歡迎,反而會非常珍惜每一次配對,所以「於交友APP上認識再結婚」嘅機率反而係最高。

資料來源:《週刊SPA》

大家都知日本好山好水,所以日本女仔發育特別健全,所以理由上日本人就應該對好身材見怪不怪啦係咪?但今日要介紹嘅呢位寫真新星「沢美沙樹」,就被日媒稱為擁有「不尋常比例」嘅好身材,究竟要去到咩地步先會令日本 ...
girls
【深夜】不尋常的比例!寫真超新星「沢美沙樹」
21 Apr 2025
雖然話日本整體黎講都係一個治安良好嘅地方,但久唔久始終都會發生一啲罪案。而近日鹿兒島一間Family Mart(全家)嘅店員,就因為去年年尾於店內製服咗一名劫匪而獲得當地警察局頒發感謝狀,仲得到當地電視台訪問。 ...
thezone
【日本】全家店員製服劫匪獲感謝狀 案發過程相當荒誕引網民吐糟
20 Apr 2025