上星期有日本傳媒影到前AV女優三上悠亞一晚私會兩名「傑尼斯事務所」偶像，一眾男士當然非常羨慕兩名偶像，但偶像嘅女粉絲就反過來非常羨慕三上悠亞，仲笑稱如果要搭上傑尼斯男偶像，睇黎下海拍AV就係最好方法。而根據現役AV女優「堀内美香」指，原來「為追星拍AV」呢一招真係Work，佢仲識人成功過！

「堀内美香」日前於X (Twitter) 發文，表示「傑尼斯Fans話『要搭上偶像嘅唯一方法係去做AV女優』，呢句嘢其實都唔算錯。我識得有個朋友就係為咗認識某位傑尼斯偶像而做AV女優，而且佢最後仲夢想成真。」不過「堀内美香」就冇解釋所謂嘅「認識」究竟去到幾深入。同時佢亦提醒有意仿傚嘅人：「但我朋友做咗大約三年AV女優先完成目標，所以除非你好有熱誠，否則我唔建議你咁做。」

堀内美香

堀内美香隨後亦解釋，如果要與名人、明星發生關係，你就先要證明自己能為對方帶來好處。例如以佢自身為例，「我哋關係可以變好，你會聽到好多有趣嘅故事，你仲會有好多錢，仲可以同人吹噓你同AV女優發生過關係」言下之意，似乎係AV女優畀錢心儀偶像。

佢亦指出，雖然可以用其他方法與名人、明星結立關係，但如果有「AV女優」呢個優勢，事情就可能簡單快捷得多。