就憑當年有幾多人為咗「睇J圖」而走去學上網，你就知道「成人界」素來都對新科技發展相當敏感。而同樣情況於「AI世代」當然亦都適用，繼目前已經頗為流行嘅「AI寫真」之後，日本成人片商h.m.p即將於12月推出首位「AI AV女優」，而且今次唔只係圖片，仲真係有AV作品出街！未來AI熱潮或者會淹沒大家嘅下半身？

呢位「AI AV女優」名叫「木花あい」，據其官方IG及X (Twitter) 中嘅個人資料顯示，佢身高165cm，三圍為34.5 G Cup、21.5、33，可以話係相當完美嘅比例，而樣貌方面亦係濃眉大眼、輪廓深邃嘅典型美女，單睇外表黎講可以話相當完美。另外，雖然「木花あい」唔係真人，但資料顯示佢屬於AV經理人公司「I-Promotion」旗下，同公司較為出名嘅就係前「S1」專屬女優「夕美しおん」，似乎代表「木花あい」並非一次性噱頭，而係會繼續推出新作品。

目前「木花あい」已開設個人IG及X，從中亦可以見到佢嘅作品預覽圖及少量「日常照」，不過目前就未公開其出道作嘅預告片，所以都係唔知佢真正「動起來」時嘅表現如何。亦唔知佢係「全AI生成」(即係類似CG電影)，定係以某個女優作為基礎，再用AI「改頭換臉」而成。具體會係咩效果，就可能要等到12月23日作品推出先知啦。

IG：kihana_ai