一般人想識新朋友，一係就靠朋友介紹，再唔係就去上興趣班、玩下交友App咁。但日本有一名48歲男子，就因為選擇咗一個非一般嘅方法，試圖結識一名24歲嘅便利店男店員而最終被捕。至於佢選擇咗個咩方法呢？簡單黎講就係「黑絲、彎腰、屁股」。

圖片：日テレNEWS NNN

據日本媒體披露案情指，去年12月2日清晨四點半左右，嫌疑人「嶋義和」去到愛知縣名古屋市內某間便利店中。當時嘅佢上身著住完整衣服，但下身就僅穿——注意，係「僅穿」——一對黑色絲襪。據知嫌疑人進入便利店後先係閒逛咗一陣，然後就去到正對住收銀機嘅貨架前，假裝彎腰查看貨物，實質就係向收銀機後嘅24歲店員展示佢藏於黑絲之下嘅屁股。報導指當時嫌疑人仲將屁股「左右搖擺」，而且佢對絲襪有破損，所以仔細睇的話，係仲見到肉嘅。

於是便利店方面就立即報警，警方隨後亦將嫌疑人拘捕。據知嫌疑人向警方表示，「我以為向佢展示我個屁股，大家就可以做朋友」，變相承認犯案。

資料來源：日テレNEWS NNN