{ SKIP }
文:MenClub 魏文青  
POSTED ON 15 Apr 2024

日本嘅「電車痴漢」問題嚴重,相信大家都略有所聞。而近日日本網絡就有人討論起所謂「無接觸痴漢」,即其行為雖然冇物理上嘅接觸,例如向頸部吹氣、聞頭髮、用AirDrop傳送不雅照、故意坐隔離、又或「凝視」等,但又的確令人不適嘅人。有女性網民表幾乎每日都會遇上「無接觸痴漢」,但亦有人認為呢個定義好易「錯殺」無辜造成冤案,甚至擔心自己只係唔小心靠近其他女性就會被當痴漢。對此,有律師出黎解話,指出當中嘅灰色地帶。

日本律師清水俊接受媒體訪問時表示,目前對於「物理上的痴漢行為」,日本政府有「不同意猥褻法」,各都道府縣亦有自己嘅「迷惑行為防止條例」。而該條例中寫明,只要係於公眾地方作出令人感到極為尷尬或不安嘅行為,就已經有機會違法。所以即使係「無接觸」嘅行為,例如向頸部吹氣、聞頭髮、用AirDrop傳送不雅照、又或偷看胸部等行為,都有可能被視為「迷惑行為」。

但清水俊律師亦提到,行為中是否有「使用有形力」為重點,而「有形力」嘅判斷要結合行為者意圖及環境而定。例如於一個有人嘅小房間內用力揮劍,即使冇打中對方都會被視為「使用有形力」襲擊;但若果房間夠大,則另作別論。

而「車廂好多空位但坐隔離」,以及單純嘅「凝視」,則處於更大嘅灰色地帶。清水俊律師指出,兩者都難憑單一行為定罪。但若果你換位後對方仍然跟隨、又或對方凝視嘅係胸部、下身等私密部位,則可能會落入「迷惑行為防止條例」中嘅「跟蹤」,又或「卑猥的言行」之中。具體之言仍要考慮到對方嘅整串行為、凝視時間等細節。

所以清水俊律師提醒,如果真係懷疑自己遇到痴漢,就必須紀錄對方嘅行為,以方便未來查證,同時亦要注意自身安全,必要時逃離現場及向其他人求助。

資料來源:弁護士ドットコム

依家我哋話人有「主角光環」,大部份時間其實都係貶義,用於現實中嘅人就係話佢自我意識太高、用於虛構作品中就係話主角因為係「主角」所以先有各種奇遇。但其實有時「主角光環」都有正面影響,好似今晚要介紹呢位「 ...
girls
【深夜】以主角光環克服困境 150萬追縱TikToker「主人公」
10 Sep 2025
所有日本寫真女星嘅自我簡介中,都會有一欄叫「特長」,但除非佢本身有咩運動、藝術特長,又或者識啲咩特別技能,如果唔係寫出黎嘅「特長」通常都吸引唔到大家去睇。不過今晚要介紹呢位「小日向ななせ」嘅「特長」就 ...
girls
【深夜】豐滿神Body 「小日向ななせ」最柔軟喺呢個部位?
08 Sep 2025