近年唔少人都高呼「單身萬歲」甚至拒絕拍拖結婚，一方面當然係佢哋認為有另一半帶來好多麻煩事，另一方面亦係因為市面上有好多產品，能夠解決以往單身人士所面對嘅問題。例如日本著名廠商「Orient-doll」推出嘅大型情趣公仔，就能肯定慰藉過唔少寂寞（但有錢）嘅單身男士。可惜嘅係，Orient-doll近日突然宣佈結業，令唔少男士感到相當不舍。

圖片：lovedoll_no1 on X

雖然話「大型情趣公仔」似乎係近代產物，但其實Orient-doll早於1977年就成立。當時Orient-Doll推出嘅係一個吹氣下身加上「像真」人頭嘅組合，用依家嘅眼光睇其實都幾得人驚。不過Orient-doll於接下來幾十年不停改進技術、推陳出新，除咗令人偶嘅肌膚、型態更為像真之外，亦加入大量客製化元素，2020年更推出頭部客製化，令客人能夠製作完全屬於自己、獨一無二嘅情趣公仔。

圖片：Orient-Doll

不過8月21日時，Orient-doll於官網宣佈公司創辦人「土屋日出夫」因為健康理由宣佈退休，而Orient-doll亦會隨之結業。公告中Orient-doll感謝多年黎所有顧客嘅支持，「希望大家能夠記住曾經成為你生活一部份嘅我們」，亦祝願大家身體健康。而Orient-doll於上野嘅實體門市會於9月20日正式關閉，工場就到10月20日結束營運。目前Orient-doll官網上亦唔能夠再落新嘅訂單。換言之大家已經買唔到新嘅Orient-doll產品。

資料來源：Orient-Doll