琴日同大家報導過中國廠商將會推出內置AI、外似真人，能夠同時滿足用家生理價值及情緒價值嘅「AI成人娃娃」，或者唔少人都會有興趣買個返去雙宿雙棲。而且你唔好以為「成人娃娃」呢家嘢只係單身狗先需要、可以用呀！一個調查就發現，其實每四個人入面，就有一個唔介意另一半使用「成人娃娃」——但有一個好重要嘅前題。

據英國《DailyMail》引述網上醫生網站「ZipHealth」嘅研究，於1000名平均40歲、54%男性44%女性嘅受訪者中，有約25%人表示唔介意另一半（不論男女）使用成人娃娃，但前題係個成人娃娃要跟據受訪者自己而設計，當中尤以男性更傾向會咁諗。所以準確啲黎講，佢哋唔介意嘅係「我嘅另一半同一個生得好似我嘅假人替身做愛」。

但另一邊廂，有2/5人表示即使個公仔生得好似自己，但假若另一半與公仔做愛的話，佢哋一樣會視為出軌。

圖片：Realbotix

事實上仿真人成人娃娃存在已久，結合AI亦非中國廠商獨有或首先進行。早於2018年，Realbotix就已經宣佈推出一男一女兩個結合AI嘅成人娃娃。男嘅叫「Henry」，賣八千至1.1萬英鎊（約HK$78,000至10.8萬），識得歡迎主人回家及討論劇集等；女嘅叫「Harmony 3.0」賣1.17萬鎊（約HK$11.5萬），身體內置感應器，可以對用家嘅觸摸作出回應。

資料來源：DailyMail