{ SKIP }
文:MenClub 魏文青  
POSTED ON 18 Oct 2019
「紅底」,若然依家喺香港有任何一個品牌甚至產品與呢個詞有任何關係,被杯葛罷買係一件好合理嘅事;但上星期就有件真真正正「紅底」嘅貨,以超出預期嘅價格賣出——就係於蘇富比拍賣以425萬賣出的呢隻「紅底」Rolex Daytona。

首先要講清楚,雖然呢隻Daytona「Luna Rossa」又金又紅咁好有北方的味道,但實際上就應該同任何政權都冇關。真正令佢值得放上拍賣會嘅原因,係Rolex官方歷史上從未出過「紅底」嘅Daytona,但睇返佢個型號「16528」確屬Daytona陶瓷錶盤型號,而錶殼編號「E333654」、錶盤上的懸浮品牌標誌、12小時小錶圈上倒轉成「9」的「6」字等細節亦同1990年左右生產的Daytona一致,就連打開個錶盤都見到Daytona錶盤生產商Jean Singer & Cie的Logo,種種跡象都顯示呢隻應該係真品黎。

咁呢隻官方話冇出過、好有可能係「銀河唯一」的真品「紅底」Daytona究竟喺邊到黎呢?據估計最有可能就係JS&C曾幾何時為Rolex、或者內部試驗下整咗一隻紅色錶盤試驗品,後來因為某種原因冇投入量產,又因為某啲原因流出市面,最後就成為大家眼見嘅呢隻孤品。咁特別又有故事,品況仲相當良好,難怪最後成交價遠超預計的300萬,以425萬成交啦!
Sotheby's
為了打破困局去走前一步,無可避免會造成矛盾和衝突,而更激進的改革手法是解決方法之一。在葡萄酒的世界裡亦不時有這種牽涉數代人的革命事件。 ... ... ... ... ... ... ...
watchesandwine
五花馬 - Barolo Boy 的青春大革命 (上)
15 Nov 2019
香檳平均價值達到三百港元以上,日日拎 OT 錢亦未必夠用。而且世界那麼大,其他氣泡酒的質素已經逐步追上 Champagne,好飲又抵飲的代替品真的不少。
watchesandwine
五花馬 - 慶祝不一定要用香檳
13 Nov 2019