科技日新月異，電腦嘅能力已經越來越強，究竟AI幾時可以統治世界就真係話唔埋，但係而家佢地已經可以準確分辨威士忌。

作為酒評師，基本上聞一聞就可以分得出威士忌品牌及各特性，但未來呢個專業可能已經變得無用，因為一種全新嘅電子鼻將可以透過「聞」一下，就可以分析威士忌各皇特性，準確率更可高達95%。

今次呢款「威士忌嗅覺電子鼻」，係由悉尼科技大學創作的，其團隊命名為Nos.e。本身佢地設計呢款電子鼻，係用來檢測黑市上出售嘅非法動物部件，好似象牙、犀牛角等。之後團隊將電子鼻調整為氣體分析及評估食品質量。

電子鼻入面有一個瓶，裡面被加入威士忌樣本，威士忌嘅氣味就會被注入一個氣體傳感器，該傳感器會檢測各種氣味並將數據發送至電腦進行分析。然後，電子鼻會將最重要嘅氣味特徵提取出來，並由機械學習算法進行分析，目前係分別威士忌品牌、地區及風格。

結果顯示，電子鼻準確率高達 95%，未來或將可訓練來評估其他可能被偽造嘅酒類質量，如澳洲紅酒、日本威士忌或中國白葡萄酒等。