Watches & Wonders 2023正式開幕，Tudor亦於錶展中公開新嘅Black Bay系列，其中其中更有蛋白面嘅Black Bay GMT。

講起Tudor Black Bay GMT，大家個腦諗到嘅應該係一隻黑色錶盤再加「百事圈」嘅腕錶。不過Tudor就於錶展中公開咗編號79830RB嘅「蛋白色」Black Bay GMT。官方話呢隻「蛋白色」會「隨光線變化閃現銀色光澤」，而經過電鍍加工嘅錶面本身就呈白灰啞面。錶面外圈嘅刻度當然亦換上深色。

而除咗錶面顏色外，79830RB亦保留系列其他特色，包括41mm不鏽鋼錶殼、雙向旋轉嘅酒紅及深藍色「百事」陽極化鋁字圈、「雪花」指針，以及MT5652雙向擺舵自動上鏈機芯。並可選三鏈節不鏽鋼「鉚釘」錶帶，或者黑撞紅嘅織紋錶帶。