Jan Jan 嘅串炸半熟流心蛋、燒三文魚飯糰、日式唐揚炸雞已經出哂名，經Mean娜吹完一輪，排隊排到返羅湖呀。不過佢地無因此忘記客人，為咗回饋支持者，佢地推出新午市定食同Happy Hour 攪珠遊戲。定食玩日本家常菜風格，價錢由七十幾至百三蚊左右，日式定食嚟講並唔算好貴；Happy Hour嗰壇就精彩囉，咁多位行運超人肯定又食又拎又食又拎！

個環節叫「多好彩」時光，每晚6點半至10點，其實一種類似六合彩嘅攪珠遊戲。規則好簡單，每台客人可以有一次攪珠機會，最多贏一份獎品，攪珠機有1 – 70 號，共70個Number Ball，贏獎品係睇尾數嘅 :

1 – 免費獲得一杯非酒精飲品

2 – 免費獲得一客前菜 （不包括厚燒蛋卷、番茄及沙律）

3 - 免費獲得一杯細裝生啤

4 - 免費獲得一杯 Chu-Hi （葡萄或檸檬味）

5 - 免費獲得一杯大裝生啤

6 – 餐桌上每位客人免費獲得一串揚或串燒（串揚選擇包括豚肉、雞腿、八爪魚、三文魚、日本香菇、山芋、甜薯、粟米仔、香菌、年糕及香腸；串燒的選擇則只不包括牛肉）

7 - 餐桌上每位客人免費獲得一杯細裝生啤

8 - 餐桌上每位客人免費獲得一杯 Chu-Hi

9 - 餐桌上每位客人免費獲得一杯大裝生啤

0 - 免費獲得一瓶酒，可選擇包括 Kingyo nigori 有汽清酒、燒酌、或 Fuji Takasago 清酒 (300ml)

抽到唔啱心水嘅號碼係可以即場換，但就只可以換比較細嘅號碼，0號尾個大獎你可以揀燒酌，又可以揀高砂清酒，帶個運勢勁嘅朋友去，保證有靚酒飲!