Wine & Dine 2016將整個活動空間分成5大主題區，包括尊尚區、暢飲派對、國家展區、美酒佳餚新發現，同埋專業美酒區。我地今次講嘅香港本土派Cocktail，就係屬於「美酒佳餚新發現 Discovery Zone」，大會邀請咗城中嘅調酒好手，一齊設計屬呢個地方嘅特式美酒，真係要唱返句「同熱愛這片土地」。

估唔到你係全男班

任君選擇

酒徒如我當然係率先品嚐咗多款新創作啦，平心而論水準都相當之高，而其中呢3款Whisky作品，我覺得係必試之選 :

The Velvet Wood – No.18 (奶茶)

奶茶，香港經典，不過佢唔單止係茶餐廳奶茶咁簡單，The Velvet Wood加入西方Earl Grey茶香，仲有The Singleton 18靚威做基調；鮮明成熟果香、黑朱古力味完美融於如絲絨般嘅濃郁奶茶中，配搭天衣無縫。(拎住個紙杯飲特別有陣港味)

Haig-a-Horlick (好立克)

可力喎，細個嗰陣唔會未飲過啦? 同樣係茶餐廳會見到嘅家常嘢，今次由童年回憶變成一款以Haig Club Single Grain Whisky (碧咸嗰枝) 做基調嘅雞尾酒；麥芽嘅順滑香甜，配以胚芽嘅質感演繹多層次之口感。

Panama Hat

甄沾記椰子糖，大家記唔記得先? 而家醒唔起唔緊要，聞到陣香甜味，包你啲回憶返哂嚟！自製香濃椰子糖糖水，加入Zacapa 23冧酒、香焦、朱古力，仲有淡淡嘅青檸，帶來既熟悉又陌生嘅熱帶風味，食埋粒椰子糖，彷如回到童年時代。

Gunner 2.0

Remedy 24 (廿四味)

Smoking Chamomile (菊花茶)

The Lion Rock Spirit

Victoria