世界上最遙遠的距離，可能就係相愛卻不能相見嘅異地戀！最近淘寶就出現一款「異地戀接吻神器」，即使此天各一方，亦能夠感受對方嘴唇觸感，幫助情侶維持感情熱度。

據中國傳媒報導，近期淘寶出現一款專為Long D情侶研發嘅黑科技產品「異地戀接吻神器」，據稱用家只要將手機插入裝置，並親吻底座上嘅假嘴唇，就能夠將力度、動作及溫度轉化成訊號，實時傳到對方嘅假嘴唇，模擬真實接吻。就算你冇女/男朋友，裝置App內亦設有「接吻廣場」功能，入面有各大網友嘅「吻痕」，能夠俾用家體驗一下唔同人嘅吻技。

經查證，淘寶上確實有賣呢款裝置，價錢大約278-288人民幣不等，有鋪頭月銷量甚至更高達800+，其中有唔少買家都留下正面評價：「挺有意思的，哈哈，科技改變生活。」、「有點刺激呀，原本以為就是略微動動，感覺不會那麼好。結果這也太驚喜了，感覺真是，居然還有溫度你敢信」、「一開始有點尷尬，玩起來是真歡快！」。但另一方面，亦有網民批評產品低俗，甚至擔心未成年人購買使用。