中國女星迪麗熱巴靚就唔使多講，但估唔到當佢同被CNN譽為「中國Annie Leibovitz」嘅陳漫合作，可以產生絕美嘅化學作用，擦出一系列日本風靚相，仲靚到衝出國際，連碧咸都出手畀like，引來網民熱話！

身為維吾爾族嘅迪麗熱巴五官立體深邃，外型亮麗性格又相當可愛，深得粉絲歡心，係中國近年相當紅嘅新一代女演員。早前佢就同名聲享譽國際嘅中國攝影師陳漫合作，影出一張張日本風嘅靚相，當陳漫喺IG post出作品時，即刻引來勁多人畀like，其中有張封面相係迪麗熱巴嘟起嘴仔親吻棒棒糖嘅相，仲呃到碧咸個like！