{ SKIP }
文:MenClub 魏文青  
POSTED ON 23 Dec 2017
聖誕流流,有人約嘅就去咗街,冇節目如我嘅就留喺屋企睇下戲消磨日神。誰知喺屋企搵下搵下,竟然搵返喺中學時期「浪費」咗我無數時間、體力同紙巾嘅電影《鄰家女優(The Girl Next Door)》出黎。睇返當年嘅女神Elisha Cuthbert真係正到冇朋友,然後又令我諗起,又靚又有身材嘅佢呢十幾年黎究竟去咗邊呢?

<iframe width="560" height="315" src="https://www.youtube.com/embed/DYMJwVLj7Oo" frameborder="0" gesture="media" allow="encrypted-media" allowfullscreen></iframe>

喺出演《鄰家女優》之前,Elisha最出名嘅演出係於電視劇《24》中飾演Kiefer Sutherland嘅女兒Kim。你或者會以為因為《24》爆紅,連帶Elisha人氣都會急升。可惜因為角色設定同劇本問題,一直拖後腳嘅Kim由第一季開始就被觀眾嫌棄,去到2016年都仲被《Entertainment Weekly》評為「電視史上最煩厭角色」。所以喺三季之後就由主要角色變成久唔久出現嘅配角。

離開《24》之後,Elisha嘅下一部作品就係2004年上映嘅《鄰家女優》,當中Elisha飾演嘅係一名當紅女優,引退嘅後重返校園,因緣際會之下與住隔離屋嘅男主角戀上。性感老手遇上青春處男,雙方擦出火花水花,Elisha仲有火辣親密場面,對於一眾少男造成直達靈魂嘅衝擊!不過即使Elisha真真正正拋咗個身出黎,《鄰》嘅票房以及評價依然相當慘淡。亦令Elisha嘅演藝事業受到重創。

隨後Elisha先後出演《恐怖蠟像館》、《The Quiet》、《Captivity》,可惜唔係票房慘淡,就係評價其差,又或者兩樣都有。如是者Elisha就坐實「票房毒藥」之名。而佢亦坦言一直都冇法融入荷里活嘅環境,於是決定專心同當時嘅男朋友、依家嘅老公、加拿大冰上曲棍球選手Dion Phaneuf生活。接下來幾年Elisha主要集中於拍攝電視劇,可惜反應依然慘烈。

不過毒藥還毒藥,坊間一直都唔否認Elisha係個靚女。FHM、GQ、Maxim等美國雜誌多次將佢列入一年一度嘅「百大美女」榜之中,2008年各進佔FHM「最性感女人」第四位,2013年成為Maxim評選「電視上最漂亮的女人」。只係屈指一算,當年嘅性感少女已經35歲,中間呢十幾年黎如果際遇好啲,佢嘅成就一定會更高。

值得慶幸嘅係,Elisha於2016年起出演Netflix喜劇《The Ranch》表現出色,逐漸洗脫觀眾對佢一直嘅偏見。《The Ranch》係Netflix其中一個最受歡迎嘅喜劇系列,2016年首播之後反應不俗,於是繼續播到2018年。雖然只係一個「小陽春」,但我都衷心希望Elisha可以把握呢次機會,爭取更好嘅演出——如果可以性感我都唔介意架。
大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025