呢個「Carponizer月曆」係一本同名德國釣鯉魚(Carps)雜誌出嘅，今年已經係第二年發售，佢最大嘅賣點就係12頁月曆中都有唔同嘅裸體美女——但佢最奇怪嘅賣點亦係呢到，因為呢啲美女全部都抱住條鯉魚出鏡。

Carponizer負責人Henrik Pöhler喺接受《Maxim》訪問時指，推出呢個奇怪月曆嘅原因係想將(釣)鯉魚同裸女呢兩樣男人喜愛嘅東西放埋一齊。佢仲話唔好以為只係一個靚女抱住條魚咁簡單，因為要釣到咁大條魚本身就有難度，而要影到咁靚就更加難喎！唔知你又對佢嘅傑作有咩感想呢？