陰公豬橋本環奈太正遭排擠

文：MenClub Mean娜　　圖：互聯網
POSTED ON 03 Mar 2015

只要你有睇Menclub，一定聽過被評為「千年難得一見」的天使臉孔，日本美少女橋本環奈的名字。環奈醬係偶像團體「Rev. from DVL」其中一名成員，因為一張表演中被拍下嘅美照瞬間爆紅，佢嘅可愛指數無人能及，但竟然因為生得太靚，近日傳出環奈醬遭到演藝圈偶像團體排擠，被大家拒絕同台，而家連接工作都變得非常困難！

據日本媒體報導，因為橋本環奈嘅「天使」光環太強大，許多女偶像覺得企埋一齊就好似被「公開處刑」，很容易被對方甜美臉孔比下去，於是紛紛拒絕與佢同台演出，導致環奈醬變得好難順利上節目。對此，唔少粉絲驚訝抗議「長得可愛又不是橋本環奈的錯！」但亦都有人認為橋本確實被捧得太高。




事實上，日本No.1女子偶像團體「AKB48」2014年舉辦票選，都以驚人嘅86高票將橋本環奈選為「還好她沒加入AKB」第1名，因為對方實在長得太過可愛！橫山由依稱讚橋本「偶像感MAX」，連人氣成員渡邊麻友都感嘆：「AKB全體加起來都敵不過她。」可見「天使臉孔」喺娛樂圈嘅威力有幾強大。