相信每個人細個嗰陣都曾經為前途迷茫過，唔知之後條路應該點行，今年18歲嘅「小山璃奈」都唔例外。佢早期曾經以偶像身份出道，後來因為工作繁忙而倍感壓力，最終喺上年宣布離隊單飛，並從「小山リーナ」改名為「小山璃奈」，開展人生新一頁。

「小山璃奈」喺12歲嗰陣以藝名「小山リーナ」加入偶像女團「MAGICAL PUNCHLINE」，擔任偶像同時又要兼顧學業令佢陪感壓力，最終喺上年高中畢業同時宣布離隊。佢就喺曾經訪問表示過，雖然嗰段時間好忙，幾乎每日都有CD發行活動同彩排，但總括而言都係唔錯嘅經歷。

佢離隊後就將藝名從「小山リーナ」改成「小山璃奈」，並表示打算朝向女演員目標進發。最近就為雜誌「週刊プレイボーイ」拍咗輯寫真，一嚟就挑戰性感水着造型，可以見到佢決心有幾大。無論之後做演員定係寫真女星都好，「小山璃奈」今年只得18歲，日後肯定大把世界！

資料來源：[email protected]_Rina_Box、[email protected]_koyama_box