根據現時嘅標準，廿尾嘅女仔都可以叫做輕熟女，咁去到三十歲究竟係咪叫中熟呢？繼我話，輕熟呢個概念應該係泛指有返咁上下歷練得嚟又富有女人味嘅女士，簡單一個句就係成熟（年齡及思想）又吸引啦。今日介紹嘅「本仮屋ユイカ」即使踏入三字頭，唔單只充滿魅力，身材仲Keep得好好，絕對唔輸蝕畀後生女。

今年33歲嘅「本仮屋ユイカ」，10歲就以童星身份出道拍日本教育電視「有趣科學」，期後攻讀日本大學演劇學系，讀緊大學嗰陣就經常參演電視節目及日劇，畢業後更拍過N套日劇及電影，當中較出名嘅有《在世界中心呼喚愛》、《沒有薔薇的花店》、《喇叭書院》、《二分之一的友情》以及《民王》等等，相信有返上下「劇齡」嘅朋友都會睇過佢嘅作品。

大家又點估到一向形象清純斯文嘅「本仮屋ユイカ」，原來暗藏誘人身材，不時就會拍寫真集畀各位粉絲欣賞。佢喺上年就遠赴新加坡及印尼取景，推出第5本個人寫真集《CANTIK》，肌膚依然緊緻白滑，真係點睇都唔似32歲（當時年齡）！

資料來源：twitter@yuika98_、instagram@yuika_motokariya_official