有Cosplay界一姐之稱嘅「Enako」人氣爆燈，每次出Cos閒閒地都會引嚟上千人圍住影相，加上勤力密密接Job，上年就搵咗超過5,000萬日圓。佢今年喺寫真界更勢如破竹，即使早前被爆同電競選手男友祕密同居兩年，人氣亦冇受太大影響，單係8月就登上15本雜誌封面，大家一齊嚟睇下佢有咩新作！

現年27歲嘅「Enako」喺今年憑住極高人氣強襲寫真界，單計2021上半年上雜誌嘅次數仲多過令和寫真女王「沢口愛華」，差唔多每個月都可以見到佢嘅新相，有望問鼎下屆「封面女郎大賞」冠軍。

「Enako」最犀利嘅地方就係包攬晒二次元及三次元角色，既可以Cosplay動漫人物，又能夠以水着造型示人，加上擁有令人為之羨慕嘅火辣身材，仲有邊個夠佢玩！

資料來源：instagram@enakorin、twitter@enako_cos