喺呢個年頭，聲優偶像化嘅趨勢銳不可擋，愈嚟愈多聲優唔單只從事配音工作，更躍身至幕前唱歌跳舞、出席各類活動、甚至拍埋寫真。今日同大家介紹嘅「豊田萌絵」，就係一位瓣數多多嘅可愛聲優。

今年26歲嘅「豊田萌絵」，早於2012年參加第一屆Style Cube聲優選拔時脫穎而出躋身聲優行列，出道幾年就同同期嘅「伊藤美來」組成女子組合「Pyxis」進軍樂壇，後來喺2017年更走性感路線進軍寫真界。

雖然「豊田萌絵」係聲優出身，但就異常地大膽同大方，首本寫真集就挑戰晒水着及內衣造型，同以往嘅可愛形象嚟個180度大轉變，不過可能因為佢生得嬌小（152cm）加上有啲baby fat，所以睇落仍然十分可愛，唔會太過妖艷。