日本寫真界一向吸引唔少青春少女入行，想喺激烈競爭入面站穩陣腳，固然要有返咁上下「份量」，否則好容易就會被比下去。今日介紹嘅新人「山田かな」，推出首張寫真DVD就登上銷量榜冠軍，一睇就知道佢唔嘢少啦。

今年26歲嘅「山田かな」，喺2019年開始參加攝影會活動，從一開始影下普通人像相，漸漸變得愈嚟愈「清涼」，直到上個禮拜推出首張寫真DVD正式出道，以多款超性感水着造型展示傲人嘅雙峰，同天真無邪嘅臉孔造成反差，衝擊觀眾眼球。

可能因為經常參攝影會，累積唔少拍攝經驗，所以各種誘人Pose都擺得非常自然，毫不生硬，完全睇唔出係一個新人。難怪佢張處女作《どうかな？》一開賣就登上Amazon同DMM銷量榜冠軍，當中唔少評論都讚佢進取嘅態度，並非常期待佢日後嘅作品。