無論做邊行都好，想成功除咗要有個人能力，際遇亦都好重要。就好似今日介紹嘅「仲村美海」曾以超新星姿態殺入寫真界，但後來星途平平，斷估唔關個人能力事啩？

今年29歲嘅「仲村美海」，18歲高中畢業後就遠赴東京入讀美容學校學習髮型設計，期後又因為聽從父母勸告去咗讀護士學校，直到2016年搵工嗰陣偶然被星探發掘殺入寫真界，更一度被譽為明日之星，只可惜後來無以為繼，有段時間更差唔多冇晒聲氣，只係斷斷續續咁上下雜誌。

經過幾年時間洗禮，依家嘅「仲村美海」比剛出道時更有韻味，凹凸有致嘅迷人身段，配上略帶憂慮嘅表情惹人無限遐想。佢緊嚟11月將會推出首本個人寫真集《Miu》，唔知可唔可以靠今次東山再起呢？