頭髮又被稱為煩惱絲，唔少女仔失戀都可能會去剪個頭髮一改形象，同時提醒自己要忘記過去。之不過今日介紹嘅「奥山かずさ（奧山和紗）」，雖然早前狠心剪走60cｍ長髮，但就同感情生活無關，而係作為一個演員嘅新挑戰，唔知你又鍾意佢長髮定短髮多啲呢？

今年27歲嘅「奥山かずさ」讀緊大學個時已經從事Model工作，後來參加由著名經記公司「奧斯卡傳播」所舉辦嘅選美比賽贏得亞軍出道，憑出演特攝劇《快盜戰隊魯邦連者VS警察戰隊巡邏連者》一炮而紅，多咗劇拍又進軍埋寫真界雙線發展。

最近「奥山かずさ」就突然剪走昔日一把長長秀髮，並以全新形象為雜誌拍咗一輯寫真，似乎係為咗新劇做好準備，唔知大家又鍾意佢長頭髮定短頭髮多啲呢？