「不要輸在起跑線」15歲李蔥熙的「照騙」

文：MenClub 魏文青　　圖：互聯網
POSTED ON 13 Apr 2015

因為一句「不要讓孩子輸在起跑線」，依家啲家長由個仔仲係胚胎嘅時候，就開始死命質佢吸引啲咩咩酸、乜乜素；到生咗出黎之後就更加谷到個仔十八般武藝樣樣精通，只係為咗鋪靚條路搵份好工！但計我話－－呀唔係，係計「李蔥熙」話齋，贏在起跑線使咩搞咁多嘢，整個容咪得囉！

呢位近日大熱嘅微博紅人，自稱今年只係得15歲，但就已經接受咗一整套整容手術。由本身都尚算清純可愛嘅少女樣，搖身一變變成假過假狗嘅假樣。
當時仍名為「兔仙」的李蔥熙，公開整容過程。成果
見到呢張相你有冇情不自禁「X」出聲呢？事實上就連理應睇慣假嘢嘅大陸網民都大叫「有鬼！，但偏偏當事人自我感覺就繼續良好，更加不停貼文還擊。
「那些噴我的人：你們15的時候天天有人送名牌香水麼，你們15的時候天天豪車接送麼，你們15的時候見過什麼市面？你們十五的時候一個月零花錢有50w嗎，如果沒有請閉嘴你，沒有資格噴我，現在的社會就要與時俱進，甚麼都不能輸在起跑線上，懂嗎？」
換言之，佢基本就開宗明義咁話自己由15歲開始就比人包，而且仲非常引以為傲添！如果咁樣叫贏做起跑線，我就情願教個女夾緊對腳慢慢行算啦。