只要大家回想起讀書時期嘅青蔥歲月，應該都會明白窈窕淑女，向來都係供不應求，大部份男同學鍾意嘅對象來來去去都係班花或者級花，甚至好似會《那些年》咁一齊追同一個女仔。而今日介紹嘅「黒嵜菜々子」，就係嗰種會令人趨之若鶩嘅萬人迷，事關佢曾經喺節目上自爆每星期都會收到3-4次表白，累計表白人數更已破突3位數，一齊嚟睇下佢有咩咁大魅力。

今年18歲，讀緊高中三年級嘅「黒嵜菜々子」自細已經入行做童星，小學嗰陣更擔任過時尚雜誌Model，直到2019年更加入女團「Peel the Apple」成為偶像，並喺今年登上著名雜誌《週刊ヤングマガジン》寫真出道。由於樣子甜美加上身形修長纖瘦，但心口依然有肉，隨即收獲大量Fans，同時引起其他雜誌關注邀請佢拍寫真，相信佢一定可以殺出一條血路。