網紅創業做老闆大家可能就聽得多啦，但今日介紹嘅「嬉野ゆみ」就完全掉返轉，先係創業開網紅公關公司做老闆，後來連自己都做埋網紅，上個月更殺入埋寫真界推出處女寫真集...

今年25歲嘅「嬉野ゆみ」，早喺19歲仲讀緊大學嗰陣就同幾個朋友一齊創業，開咗間公司專幫網紅做PR及Marketing，經營咗幾年之後就賣咗畀其他人，目前自己走咗出嚟做網紅。雖則係做網紅生意，但佢起初其實唔太玩Social Media，即係一月先更新一次，用嚟話畀朋友知佢仲健在嗰種人。不過大約喺兩年前，有次佢Post咗張朋友幫佢影嘅相上IG之後，部電話就不停咁震啊震，一拎起嚟睇就發現追蹤人數突然多咗成萬人，就喺個一刻令佢想成為一位網紅。

經過2年嚟嘅苦心經營，目前佢已經係一位擁有21萬IG Fans嘅人氣網紅，上個月仲出埋首本個人寫真集，以超性感內衣造型大曬誘人身段，相信佢之後會有更多作品，有興趣嘅朋友留意一吓喇。