為期17日嘅2022年冬奧於昨日正式落幕，不過一眾實力與美貌並重嘅運動員依然話題不斷，就好似日前勇奪女子速度滑冰1000米銀牌嘅荷蘭女將Jutta Leerdam，除咗場上表演精彩，私底下更係一個坐擁250萬Fans嘅超級KOL。

今年23歲嘅Jutta Leerdam自細就開始接觸冰上曲棍球及速度滑冰，但後來因為打冰上曲棍球經常要做替補球員冇得上場，所以決定醉心於速度滑冰，早喺2017年就贏得少年組世界冠軍，20出頭就征戰過各大世界級賽事，更喺2020年世界單程距離速度滑冰錦標賽以1分11.84秒贏得女子1000米賽事冠軍，成為荷蘭紀錄保持者，所以佢一直被視為係奪金熱門人選，可惜最終以0.64秒之差屈居亞軍，但已經展現出超強實力。

除此之外，身高181cm嘅Jutta Leerdam私底下亦係一位萬人迷KOL，平時會喺社交媒分享訓練、旅行、穿搭、化妝打扮等生活照，而且做過Model接拍過唔少廣告，健康又性感嘅身材男女通殺，難怪Fans數目會咁驚人。

資料來源：instagram@juttaleerdam