雖然話大部份男人都鍾意女人，但口味呢家嘢總係有些少唔同，所以要知道一個寫真女星受唔受歡迎，最客觀嘅就係睇佢出過幾多本寫真、幾多隻寫真DVD，一直出就即係一直有人買、一直有人買就即係一直受歡迎。而今晚要介紹嘅呢位大原優乃，由2017年9月到2021年12月期間，就總共出咗近40本寫真集！好明顯就夠哂紅啦？

其實去年4月時我哋就已經介紹過大原優乃，現年22歲嘅佢乃係童星出道，10歲時就加入少年偶像團體「Dream5」，曾經上紅白唱過《妖怪手錶》主題曲，後來團體解散，大原優乃於2017年轉職為寫真女星，憑154cm身高配F Cup身材，加上日本人至愛嘅「Kawaii」樣貌，曾N次登上少年雜誌封面，從此踏出成為一線女星之路。

而近年少年雜誌會為部份封面女星推出「主題寫真」，簡單黎講就即係將封面寫真搭多幾張相，另外拎出黎賣賺多筆。而大原優乃3年幾內與各大少年雜誌合作出咗35套寫真，再加佢自己出嘅兩本寫真集，大大小小夾埋近40本！可見佢嘅吸睛同吸金能力有幾高！而且同一年前相比，睇得出佢少咗啲Baby Fat，成個人越黎越有女人味，睇黎只要佢肯繼續出，啲寫真都一定繼續大賣啦！

圖片：yuno_ohara on IG