當年膾炙人口嘅「澳門首家線上賭場上線啦！」大家一定聽唔少，但你哋又知唔知後面仲有句「性感荷官在線發牌 陪您HGIH翻天」(原版個HIGH真係串錯架下)？你又有冇諗過「性感荷官」係咪真係存在？「HGIH翻天」究竟又有幾High？我唔直接答你，我用「宇恵明璃奈」黎答你！

報稱今年25歲嘅宇恵明璃奈，係一名目前身在杜拜嘅日本美女，而佢除咗係一個網紅、一個模特兒、以及曾經做過賽車女郎之外，佢亦做過賭場嘅荷官，再睇睇佢IG上嘅性感泳衣照，原來「性感荷官」於現實中係存在架！

但值得一提嘅係，原本佢個名叫「星乃ゆん」，去年11月宣佈改名「宇恵明璃奈」，12月從賽車女郎團隊引退之後，今年2月就去咗杜拜生活，而且一日到黑都係去沙灘呀、去食嘢呀，過住啲藍天白雲嘅「High翻天」日子，而且睇黎佢就一幅唔使做嘅樣——定係佢要做嘅嘢係夜晚先做？咁又……幾High喎真係